بڕوانامەی ڕێزلێنان بەخشرایە سەرجەم بەشداربووان و خۆبەخشانی دووەمین فستیڤاڵی مایا

 کۆمپانیای مایا بۆ پەروەردەو فێرکردن، ساڵانە فستیڤاڵی ساڵانە بۆ سەرجەم ناوەندەکان ساز دەکات و توانا و لێهاتوویی فێرخوازەکانی دەخاتە ڕوو .

بۆ ئەمساڵیش لە ڕۆژی ٢٠٢٤/٥/٢٥ بە دروشمی "بە داهێنان و نوێگەری، خەیاڵەکان دەکەینە ڕاستی" لە ناوەندی فێرکاری شێخ فاخر شێخ طیب دووەمین فستیڤاڵی مایا بەڕێوەچوو.

لەمیانەی فستیڤاڵەکەدا و لە مەراسیمێکی تایبەتدا لە ڕۆژی پێنج شەممە ڕێکەوتی٢٠٢٤/٧/٤ بڕوانامەی تایبەت بە خۆبەخشان بەخشرابە سەرجەم فێرخوازانی بەشدار،  هەروەها لیژنەی زانستی فستیڤاڵ بە ناوی کۆمپانیای مایاوە سوپاس و  پێزانینی پێشکەش بە سەرجەم بەشداربووان و خۆبەخشان  بە گشتی و فێرخوازانی بەشدار بە تایبەتی کرد و هیوای سەرکەوتن و بەردەوامی زیاتری بۆ خواستن،

هیوای سەرکەوتن و چاوەڕێی  پرۆژە و بیرۆکەی زیاترتان لێدەکەین.