لە درێژەی زنجیرە چالاکییە وەرزشییەکانی پەیمانگەدا، خولێکی تایبەت بە یاری شەتڕەنج بۆ خوێندکارانی پەیمانگە ڕێکخرا. ئەم خولە کە لەلایەن مامۆستا کاروان لطیف، مامۆستای وەرزش سەرپەرشتی کرا، بووە مایەی دەرکەوتنی بەهرە و تواناکانی خوێندکاران لەم بوارەدا.

بە ئامادەبوونی بەڕێز (هاوژین حەسەن)، بەڕێوەبەری پەیمانگە و ژمارەیەک لە مامۆستایان و خوێندکاران، مەراسیمی بەخشینی خەڵات بە یەکەم و دووەمی خولەکە ئەنجام درا.

شایەنی باسە، ئەم خولە بەشێکە لە بەرنامەی پەیمانگە بۆ هاندانی وەرزش و چالاکیە وەرزشیەكان لە نێوان خوێندکاراندا.